Memleket basshysynyń Halyqaralyq volonterler jylyna orai kótergen bastamalary aiasynda elimizde «Mádeni murany birge saqtaiyq» atty respýblikalyq aktsiia ótti, dep habarlaidy Dalanews.kz.
Is-sharany «Taza Qazaqstan» jalpyulttyq baǵdarlamasy men «Adal azamat» birtutas tárbie baǵdarlamasy negizinde Qazaqstannyń Azamattyq aliansy uiymdastyrdy.
Aktsiia jyl saiyn 18 sáýirde atap ótiletin Halyqaralyq eskertkishter men tarihi oryndar kúnine orai ótti. Osy kúni elimizdiń barlyq óńirinde tarihi-mádeni mura nysandaryn tazalaýǵa jáne abattandyrýǵa baǵyttalǵan volonterlik sharalar ótkizildi. Sonymen qatar, ulttyq qundylyqtardy saqtaýdyń mańyzyn uǵyndyryp, jurtshylyqtyń jaýapkershiligin arttyrý maqsatynda aqparattyq-túsindirý jumystary júrgizildi.
Aktsiia Jambyl oblysyndaǵy IýNESKO-nyń dúniejúzilik muralar tizimine engen «Aqyrtas» sarai kesheninde bastaldy.
Aktsiia nátijesinde volonterlik qozǵalystyń óńirlerdegi jumys júiesi nyǵaia tústi. Elimizdiń barlyq 20 óńirinde «Madenietti Mura volonterleri» klýbtary ashylyp, olar tarihi-mádeni murany saqtaý men azamattyq belsendilikti arttyrý baǵytynda turaqty túrde jumys júrgizetin bolady.
Atalmysh aktsiia aiasynda tarihi-mádeni murany saqtaý isine qoǵamnyń barlyq býynyn jumyldyrý kózdeldi. Sonymen qatar qorshaǵan ortaǵa janashyrlyqpen qaraýǵa jáne ekologiialyq sanany qalyptastyrýǵa mán berildi.
