مەملەكەت باسشىسىنىڭ حالىقارالىق ۆولونتەرلەر جىلىنا وراي كوتەرگەن باستامالارى اياسىندا ەلىمىزدە «مادەني مۇرانى بىرگە ساقتايىق» اتتى رەسپۋبليكالىق اكسيا ءوتتى، دەپ حابارلايدى Dalanews.kz.
ءىس-شارانى «تازا قازاقستان» جالپىۇلتتىق باعدارلاماسى مەن «ادال ازامات» ءبىرتۇتاس تاربيە باعدارلاماسى نەگىزىندە قازاقستاننىڭ ازاماتتىق اليانسى ۇيىمداستىردى.
اكسيا جىل سايىن 18 ساۋىردە اتاپ وتىلەتىن حالىقارالىق ەسكەرتكىشتەر مەن تاريحي ورىندار كۇنىنە وراي ءوتتى. وسى كۇنى ەلىمىزدىڭ بارلىق وڭىرىندە تاريحي-مادەني مۇرا نىساندارىن تازالاۋعا جانە اباتتاندىرۋعا باعىتتالعان ۆولونتەرلىك شارالار وتكىزىلدى. سونىمەن قاتار، ۇلتتىق قۇندىلىقتاردى ساقتاۋدىڭ ماڭىزىن ۇعىندىرىپ، جۇرتشىلىقتىڭ جاۋاپكەرشىلىگىن ارتتىرۋ ماقساتىندا ءاقپاراتتىق-تۇسىندىرۋ جۇمىستارى جۇرگىزىلدى.
اكسيا جامبىل وبلىسىنداعى يۋنەسكو-نىڭ دۇنيەجۇزىلىك مۇرالار تىزىمىنە ەنگەن «اقىرتاس» ساراي كەشەنىندە باستالدى.
اكسيا ناتيجەسىندە ۆولونتەرلىك قوزعالىستىڭ وڭىرلەردەگى جۇمىس جۇيەسى نىعايا ءتۇستى. ەلىمىزدىڭ بارلىق 20 وڭىرىندە «Madenietti Mura ۆولونتەرلەرى» كلۋبتارى اشىلىپ، ولار تاريحي-مادەني مۇرانى ساقتاۋ مەن ازاماتتىق بەلسەندىلىكتى ارتتىرۋ باعىتىندا تۇراقتى تۇردە جۇمىس جۇرگىزەتىن بولادى.
اتالمىش اكسيا اياسىندا تاريحي-مادەني مۇرانى ساقتاۋ ىسىنە قوعامنىڭ بارلىق بۋىنىن جۇمىلدىرۋ كوزدەلدى. سونىمەن قاتار قورشاعان ورتاعا جاناشىرلىقپەن قاراۋعا جانە ەكولوگيالىق سانانى قالىپتاستىرۋعا ءمان بەرىلدى.
