Mańǵystaýda polısıa 400-ge jýyq esirtki quqyq buzýshylyǵynyń jolyn kesti, dep habarlaıdy Dalanews.kz. 

Mańǵystaý oblysy PD esirtki qylmysyna qarsy is-qımyl basqarmasy qyzmetkerleri jyl basynan beri 386 esirtki quqyq buzýshylyǵynyń jolyn kesti. 87 qylmystyq is tirkelip, 90 tulǵa ákimshilik jaýapkershilikke tartyldy.

Sonymen qatar 10 aı ishinde zańsyz aınalymnan 111 keliden astam esirtki tárkilendi. Esirtkimen kúresti kúsheıtý, qylmystyń aldyn alý baǵytynda 656 profılaktıkalyq is-shara ótkizilip, Aqtaý qalasynda 645 graffıtı-jazý óshirildi. Budan bólek, esirtki zattaryn jarnamalaý, satýmen aınalysatyn 506 ınternet-saıt buǵattaldy.