Stepnogorsk qalasynyń prokýratýrasy jergilikti kásiporyndarda tekserý júrgizip, qyzmetkerlerdiń eńbek quqyqtarynyń buzylǵanyn anyqtady, dep habarlaidy Dalanews.kz.
Tekserý barysynda jumysshylarǵa mindetti áleýmettik demalystar berilmegeni belgili boldy. Atap aitqanda, meditsinalyq tekserýden ótýge, júktilik boiynsha esepke turýǵa, júktilik jáne bosaný demalysyna, jańa týǵan balany asyrap alýǵa, sondai-aq oqý demalysyna qatysty quqyqtar saqtalmaǵan.
Sonymen qatar bul kepildikter eńbek jáne ujymdyq sharttarda kórsetilmegen. Al bul – zań talaptaryna qaishy.
Saldarynan 2 298 qyzmetkerdiń quqyǵy buzylǵan.
Prokýratýranyń aralasýynan keiin zańbuzýshylyqtar joiylyp, qyzmetkerlerdiń quqyqtary qalpyna keltirildi.
