ستەپنوگورسك قالاسىنىڭ پروكۋراتۋراسى جەرگىلىكتى كاسىپورىنداردا تەكسەرۋ جۇرگىزىپ، قىزمەتكەرلەردىڭ ەڭبەك قۇقىقتارىنىڭ بۇزىلعانىن انىقتادى، دەپ حابارلايدى Dalanews.kz.
تەكسەرۋ بارىسىندا جۇمىسشىلارعا مىندەتتى الەۋمەتتىك دەمالىستار بەرىلمەگەنى بەلگىلى بولدى. اتاپ ايتقاندا، مەديسينالىق تەكسەرۋدەن وتۋگە، جۇكتىلىك بويىنشا ەسەپكە تۇرۋعا، جۇكتىلىك جانە بوسانۋ دەمالىسىنا، جاڭا تۋعان بالانى اسىراپ الۋعا، سونداي-اق وقۋ دەمالىسىنا قاتىستى قۇقىقتار ساقتالماعان.
سونىمەن قاتار بۇل كەپىلدىكتەر ەڭبەك جانە ۇجىمدىق شارتتاردا كورسەتىلمەگەن. ال بۇل – زاڭ تالاپتارىنا قايشى.
سالدارىنان 2 298 قىزمەتكەردىڭ قۇقىعى بۇزىلعان.
پروكۋراتۋرانىڭ ارالاسۋىنان كەيىن زاڭبۇزۋشىلىقتار جويىلىپ، قىزمەتكەرلەردىڭ قۇقىقتارى قالپىنا كەلتىرىلدى.
