Qazaqstannyń Halyq jazýshysy Muhtar Shahanov 84 jasynda ómirden ótti, dep habarlaıdy Dalanews.kz.
Mádenıet jáne aqparat mınıstrligi kórnekti qazaq aqyny, dramatýrg, qoǵam qaıratkeri, Qazaqstannyń Eńbek Eri ári Halyq jazýshysy Muhtar Shahanovtyń qaıtys bolýyna baılanysty onyń otbasy men týǵan-týystaryna, jaqyndaryna jáne barsha qazaq eline kóńil aıtty.
Muhtar Shahanov – poezıany azamattyq ustanymmen ushtastyra bilgen, bıik deńgeıdegi týyndylarymen tanylǵan biregeı tulǵa boldy.
Ol qazaq óleńine jańa tynys ákelip, mazmun men pishin turǵysynan tereńdik engizdi. Aqynnyń shyǵarmalary ulttyq rýhanıattyń mańyzdy bóligine aınaldy.
Sonymen qatar, ol qoǵamdaǵy ózekti máselelerge ún qatyp, el taǵdyryna qatysty ótkir pikir bildirip, azamattyq pozısıasymen erekshelendi.
Muhtar Shahanovtyń qaısarlyǵy, ór minezi jáne ádilet jolyndaǵy tabandylyǵy halyq jadynda saqtalady.
