Qazaqstan Respýblikasynyń Prezidenti Qasym-Jomart Toqaev Kazakhmys Smelting JShS Jezqazǵan mys balqytý zaýytynyń balqytýshysy Ábdirashit Dospanovqa óndiristik qyzmettegi airyqsha eńbegi úshin "Qazaqstannyń Eńbek Eri" ataǵyn berdi, dep habarlaidy dalanews.kz.
Memleket basshysy ákesiniń jolyn jalǵastyryp, 40 jyldan astam ýaqyt metallýrgiia salasynda eńbek etip kele jatqan jáne kásibi tájiribesin jas mamandarǵa úiretip júrgen metallýrgtiń eńbegin erekshe atap ótti.
"Óziniń kásibi sheberligi men eńbekke adaldyǵynyń arqasynda ol zor jetistikterge jetip, elimizdiń damýyna eleýli úles qosty", – dep atap ótti Prezident.
Ábdirashit Dospanovqa joǵary dárejeli erekshelik belgisi – "Qazaqstannyń Eńbek Eri" ataǵy berilip, airyqsha erekshelik belgisi - Altyn juldyz ben "Otan" ordeni tabystaldy.
"Bul joǵary marapat – Ábdirashit Dospanovtyń kóp jylǵy adal eńbeginiń laiyqty baǵasy ǵana emes, kúndelikti qajyrly eńbegimen otandyq ónerkásiptiń damýyna úles qosyp júrgen barsha eńbek adamdaryna kórsetilgen zor qurmettiń belgisi. Áriptesimizdi joǵary memlekettik marapatymen shyn júrekten quttyqtaimyz!" - dep jazylǵan kompaniia habarlamasynda.
