Jańaózenniń burynǵy ákimi men sambo federatsiiasy vitse-prezidenti adam urlady degen kúdikpen ustaldy, dep habarlaidy dalanews.kz Kozachkov Offside-qa siltep.
Mán-jaiy
Derekke súiensek, Mańǵystaý oblysynda Jańaózenniń burynǵy ákimi Janseiit Qainarbaev pen sambo federatsiiasynyń birinshi vitse-prezidenti Manarbek Bisekenov ustalǵan. Olar aldyn ala sóz bailasý arqyly adam urlady degen kúdikke ilingen.
Derekkóz málimetinshe, buǵan deiin Aqtaýda Qainarbaev tanystarynyń birimen kezdesken. Kezdesý barysynda er adam ketpek bolǵanymen, ony Lexus 600 kóliginde kúshtep ustap otyrǵan. Aldyn ala málimet boiynsha sheneýnikke Bisekenov pen onyń adamdary kómektesken.
"Keiin jábirlenýshini qala syrtyna alyp shyǵýǵa áreket jasalǵan. Alaida jolda segiz adamnan turatyn topty UQK-niń jergilikti departamenti ustaǵan. Osydan keiin Qainarbaev pen Bisekenov qamaýǵa alynǵan", - dep jazylǵan derekte.
Qainarbaev pen Bisekenov týraly ne belgili?
42 jastaǵy Janseiit Qainarbaev - Mańǵystaý oblysyna tanymal tulǵa. Ol 2024 jyldyń basynan bastap Jańaózen qalasynyń ákimi qyzmetin atqarǵan. Al 2026 jylǵy qyrkúiekte Mańǵystaý oblysy Qaraqiia aýdanynyń ákimi bolyp taǵaiyndalǵan.
46 jastaǵy Manarbek Bisekenov te óńirde jaqsy tanymal. Ol sambo federatsiiasyndaǵy joǵary laýazymynan bólek, oblystaǵy túrli sport uiymyn basqarǵan. Sondai-aq, jasyna qaramastan jarystarǵa qatysyp júrgen.
