Qazaqstannyń taekvondodan 21 jasqa deiingi jastar quramasynyń aǵa jattyqtyrýshysy Tólegen Tólemuratov dúnieden ótti. Otandyq sporttyń damýyna úles qosqan belgili bapkerdiń qazasy týraly Sportbugin.kz basylymy habarlady, dep jazady dalanews.kz.
Tólegen Temirlanuly Tólemuratov sanaly ǵumyryn taekvondo sportynyń damýyna jáne jas sportshylardy tárbieleýge arnaǵan.
Ol bapkerlik qyzmeti barysynda talai talantty sportshynyń qalyptasýyna yqpal etip, Qazaqstan chempiondary men Aziia birinshilikteriniń jeńimpazdaryn daiyndaǵan.
Marqumnyń áriptesteri men shákirtteri ony óz isine jaýapkershilikpen qaraityn, kásibi biliktiligi joǵary, sportqa adal azamat retinde baǵalaǵan.
