Astanada monsha keshenindegi órt kezinde 60 adam evakýatsiialandy, dep habarlaidy dalanews.kz.
Saryarqa aýdanynda Bógenbai batyr dańǵylynda ornalasqan bes qabatty qonaqúi-monsha kesheniniń shatyrynda órt shyqqan. Jylý oqshaýlaǵysh material men elektr kabelderi 10 sharshy metr aýmaqta janǵan.
TJD qyzmetkerleri birinshi qabattaǵy dámhana men biliard zalynan 60 qonaqty qaýipsiz jerge evakýatsiialaǵan.
"Energetikalyq kompaniia mamandary nysandy elektr jelisinen ajyratqannan keiin órt tolyq sóndirildi. Zardap shekkender joq", - dedi TJM ókilderi.
