Jambyl oblysynda Jýaly aýdanynyń ortalyǵy Baýyrjan Momyshuly aýylynyń eki bóligin jalǵap jatqan ótkeldi qaita jańǵyrtýǵa 1 milliard teńgege jýyq qarjy jumsalǵan, dep habarlaidy dalanews.kz.
Aýyldyń eki bóligin jalǵaityn eki jol bar. Onyń biri - júk kólikteri jii paidalanatyn jerústi ótkeli, ekinshisi - temirjoldyń astymen ótetin ótkel.
Ol aýyldyń ortasynda ornalasqandyqtan, turǵyndarǵa, ásirese, jeńil kólik júrgizýshileri men taksi qyzmetkerlerine qolaily.
Buǵan deiin jergilikti bilikten kómek kútken turǵyndar tonneldegi máseleni ózderi sheshýge májbúr bolǵan. Qysta joldy basqan muz ben qardy júrgizýshiler kúrek alyp, qolmen tazalaǵan.
"Jańa kólik ótkeliniń qurylysyna 923,4 million teńge jumsaldy. Ótkeldiń uzyndyǵy - 31 metr, biiktigi - 5,3 metr, al júrý bóliginiń eni - 8,5 metr", - dedi ákimdik ókilderi.
