Qostanaida Volkswagen Passat kóligi men avtobýs jol apatyna ushyrady, dep habarlaidy dalanews.kz.
Aldyn ala málimet boiynsha 25 qazanda saǵat 21:10 shamasynda jeńil kólik júrgizýshisi jol qozǵalysy erejelerin buzyp, politsiianyń toqtaý týraly talabyna baǵynbai, ári qarai qozǵalǵan.
Nursultan Nazarbaev dańǵyly men Altynsarin kóshesi qiylysynda ol baǵdarshamnyń qyzyl túsine ótip, avtobýspen soqtyǵysqan.
Oqiǵa saldarynan jeńil kólik júrgizýshisi qaza taýyp, jolaýshy aýrýhanaǵa jetkizilgen. Avtobýsta 55 adam bolǵan, oqiǵa ornynda olardyń ekeýine meditsinalyq kómek kórsetilgen.
Qazir sotqa deiingi tergeý júrgizilip, oqiǵanyń barlyq mán-jaiy anyqtalyp jatyr.
