Qazaqstannyń Syrtqy ister ministrligi Ystambulda qazaqstandyq azamat qaza tapqanyn rastady, dep habarlaidy dalanews.kz.
“Qazaqstandyq diplomattar marqumnyń týystarymen bailanysta bolyp, olarǵa konsýldyq-quqyqtyq kómek kórsetip jatyr. Túrkiianyń quzyretti organdary tergeý júrgizip, oqiǵanyń mán-jaiyn anyqtap jatyr”, - dedi Syrtqy ister ministrliginiń resmi ókili Janbolat Úsenov.
Onyń aitýynsha, bul másele ministrliktiń baqylaýynda.
Buǵan deiin túrkiialyq BAQ Ystambulda 26 jastaǵy qazaqstandyq azamat qaza tapqanyn habarlaǵan edi. Qaiǵyly oqiǵa 25 qazanda tańerteń bolǵan. Aldyn ala málimet boiynsha qyz altynshy qabattaǵy páterdiń balkonyna shyǵyp, odan kórshi ǵimarattyń shatyryna ótken. Keiin shatyrdyń ortasyna qarai bet alǵan.
Boljam boiynsha ol bos keńistiktiń ústine ornatylǵan jabyndy basqan. Alaida qurylym kótere almai, qyz qulap ketken.
