Kaspii teńizi jaǵalaýynda tabylǵan óli itbalyqtar sany 97-den 191-ge deiin ósti,dep habarlaidy Dalanews.kz.
Bul týraly Qazaqstan Respýblikasy Aýyl sharýashylyǵy ministrliginiń Balyq sharýashylyǵy komiteti habarlady.
Vedomstvo málimetinshe, 2026 jylǵy 17 sáýir saǵat 17:00-degi jaǵdai boiynsha Mańǵystaý oblysynyń Túpqaraǵan aýdany aýmaǵyndaǵy Kaspii teńizi jaǵalaýynan qatty shirigen (ydyraýdyń 2–4 kezeńi) 191 itbalyqtyń óleksesi anyqtalǵan. Bul derek aýdandyq ishki ister bólimine tirkelgen.
Sonymen qatar, kaspii itbalyǵyn zertteýmen ainalysatyn ǵylymi uiym – Gidrobiologiia jáne ekologiia institýty oqiǵa ornynda ólekselerdi ashyp, múmkin bolǵan úlgilerden synama alǵan. Al Mańǵystaý oblysy boiynsha ekologiia departamenti sý men topyraqtan synama jinaǵan.
Alaida ólekselerdiń qatty ydyraýyna bailanysty Veterinariialyq baqylaý jáne qadaǵalaý komitetiniń mamandary juqpaly aýrýlardy anyqtaý úshin patologiialyq materialdardan synama ala almaǵan.
Qazirgi ýaqytta Kaspii teńizi jaǵalaýyn baqylaý jalǵasyp jatyr. Jergilikti atqarýshy organdar, balyq sharýashylyǵy inspektsiiasy jáne basqa da mekemelerdiń qyzmetkerleri ólekselerdi jinap, sanitarlyq talaptarǵa sai joiǵan.
Mamandardyń aitýynsha, kópjyldyq zertteýlerge súiensek, itbalyqtardyń qyrylýyna immýnitettiń álsireýi jáne aǵzanyń jalpy tózimdiliginiń tómendeýi sebep bolýy múmkin. Bul óz kezeginde janýarlardyń juqpaly aýrýlarǵa beiimdiligin arttyrady.
Eske salaiyq, buǵan deiin Mańǵystaý oblysynda Kaspii jaǵalaýyna júzge jýyq óli itbalyqtyń shyǵarylǵany habarlanǵan edi. Mamandar muny qatty batys jelimen bailanystyrǵan. Oqiǵanyń sebepterin anyqtaý jáne saldaryn joiý úshin vedomstvoaralyq jumys toby qurylǵan. Oqiǵa ornyna ekologtar, veterinarlyq qyzmet ókilderi, politsiia jáne ǵylymi uiymdardyń mamandary barǵan.
