2026 jyldyń 16 sáýir kúni Túrkıanyń Toqat qalasynda toǵyzqumalaq, bestemshe jáne mangala oıyndarynan halyqaralyq "Evrazıa kýbogi" jarysy bastaldy, dep habarlaıdy Dalanews.kz
Jarysqa Qazaqstan, Egıpet, Sırıa, Túrkıa jáne Chehıadan 40-qa jýyq sportshy qatysýda. Búgin jarystyń ashylý saltanatynda qala ákimi Mehmet YAZICIOGLU túrki halyqtarynyń zıatkerlik oıyndarynyń mańyzyna toqtalyp, sportshylarǵa sáttilik tiledi.
Toqat qalasynyń depýtaty Kadım Dýrmaz ashylý sózinde bul oıyndardyń elaralyq dostyq qarym-qatynastardy nyǵaıtýda mańyzy zor ekenin atap ótti. Dúnıejúziilk Toǵyzqumalaq Federasıasynyń bas hatshysy Maqsat Shotaev jarysqa jınalǵan qaýymǵa sáttilik tilep, qala ákimine shapan japty.
Jalpy jarys 19 sáýirge deıin sozylady. Búgin toǵyzqumalaqtyń blıs jarysynda erler arasynda túrik sportshysy Demır Jalel chempıon bolsa, qyzdar arasynda Astanadan kelgen Amanjolova Altynaı chempıon atandy. Jarys Dúnıejúzilik Toǵyzqumalaq Federasıasy jáne Toqat qalasy ákimdigiiniń qoldaýymen, Túrkıa toǵyzqumalaq, bestemshe jáne mangala Assoasıasynyń uıymdastyrýymen ótip jatyr.
