Tabiǵatty qorǵaý - jai uran emes, naqty áreket. Búgin Taldyqorǵan qalasyndaǵy Qyzyltas-Tasbaqa shatqaly aýmaǵynda «Taza Qazaqstan» respýblikalyq ekologiialyq baǵdarlamasy aiasynda aýqymdy aktsiia uiymdastyryldy, dep habarlaidy Dalanews.kz.
Shara barysynda aýmaq qoqystan tazartylyp, 250-den astam kóshet egildi. Igi iske 100-den astam jetisýlyq belsendi atsalysty.
Ekosharaǵa qatysqan oblys ortalyǵynyń turǵyny Aigerim Sabyrjanovanyń aitýynsha, bul kún erekshe áserge toly bolǵan:
«Osynsha adamnyń bir maqsatpen jinalǵanyn kórgende, shynymen de júrekke jyly tiedi. Biz tek tazalyq jumystarymen shektelmei, bolashaq úshin eńbek ettik. Ár otyrǵyzylǵan aǵash erteńgi jasyl qala. Osyndai bastamalar kóbeise eken deimin».
Uiymdastyrýshylardyń málimetinshe, bul baǵyttaǵy jumystar aldaǵy ýaqytta da jalǵasady. Atalǵan aýmaqta ekopark ashý josparlanýda. Joba qalanyń týristik áleýetin arttyryp, óńirdiń damýyna jańa serpin bermek.
