Aqtóbe oblysynda «Taza Qazaqstan» jalpyulttyq qozǵalysy aıasynda ekologıalyq mádenıetti qalyptastyrýǵa jáne áleýmettik jaýapkershilikti damytýǵa baǵyttalǵan tazalyq sharalary jalǵasýda, dep habarlaıdy Dalanews.kz
Búgin Aqtóbe qalasynda kezekti senbilikpen qatar keń kólemdi «Taza aýla» aksıasy ótti. Igi bastama qala turǵyndaryn ortaq iske jumyldyryp, óz aýlalaryn abattandyrý men tazalyqty saqtaýǵa baǵyttaldy.
Aksıa barysynda turǵyndar bir kisideı jumylyp, senbilikke belsene qatysty. Turǵyn úılerdiń aýlalaryn qoqystan tazalap, abattandyrdy. Aksıaǵa belsene aralasqan Altyn Orda shaǵyn aýdanyndaǵy №8G úıiniń MIB tóraǵasy Baǵdat Tabyshovtyń aıtýynsha, atalmysh aksıa aýlanyń tazalyǵy komýnaldyq qyzmettiń ǵana emes árbir turǵynnyń mindeti ekenin aıqyn kórsetti.
«Búgingi aksıaǵa turǵyndar erekshe belsendilik tanytty. Aýla tazalyǵy – ózimiz úshin, balalarymyzdyń bolashaǵy úshin mańyzdy. Osyndaı sharalar arqyly turǵyndardyń jaýapkershiligi artyp, aýlamyzdyń kórki kire túsedi», – dedi ol.
Sondaı-aq, sharaǵa qatysqan 11 shaǵyn aýdandaǵy «Meken-5» úı ıeleriniń jeke menshik kooperatıviniń tóraǵasy «Taza Qazaqstan» jalpyulttyq aksıasy aıasynda ótip jatqan bastamalardyń mańyzdylyǵyna toqtaldy.
«Tazalyq – bul bir kúndik naýqan emes, kúndelikti daǵdyǵa aınalýy tıis úrdis. Turǵyndardyń osyndaı uıymshyldyǵy biz úshin úlken qoldaý. Birigip atqarǵan istiń nátıjesi de aıqyn kórinedi», – dedi Erlan Jolamanov.
Aıta keteıik, Aqtóbe oblysynda «Taza Qazaqstan» respýblıkalyq ekologıalyq aksıasy aıasynda eki aılyq jarıalandy. Mamyr aıynyń sońyna deıin aýmaqty sanıtarlyq tazalaý jáne abattandyrý jumystary júıeli túrde júrgiziletin bolady. Eki aılyq aıasynda qaladaǵy qoqys polıgondary qaldyqtardy tegin qabyldaıdy.
