QR Ulttyq Banki 2025 jylǵy 1 sáýirdegi jaǵdaı boıynsha elimizdegi bankterdiń esep-qısabynyń statısıkasyn jarıalady. Oǵan sáıkes, bank sektorynyń bir jyldaǵy jalpy tabysy  16,6%-ǵa, ıaǵnı 664 mlrd teńgege deıin artqan.  Alaıda bul bankterdiń barlyǵy birdeı jaǵalaı tabysta degendi bildirmeıdi. Máselen, elimizdegi 21 banktiń segizi byltyrǵy kórsetkishin de qaıtalaı almaǵan, dep habarlaıdy Dalanews.kz.

Byltyrǵy kórsetkishin qaıtalaı almaǵandar ishinde Jusan Bank pen Eýrazıalyq bank aldyńǵy qatarda tur.

2025 jyldyń 1 sáýirdegi jaǵdaı boıynsha, Jusan Bank aldyńǵy jylmen salystyrǵanda  5,3 mlrd teńge az paıda tapqan, ıaǵnı aldyńǵy jyly tapqany 44,6 mlrd teńge bolsa, bıylǵysy — 39,3 mlrd teńge. Al Eýrazıalyq bank ótken jylǵyǵa qaraǵanda  kirisi 21,1 mlrd teńgege az: 2023 jyldyń 1 sáýirinen 2024 jyldyń 1sáýirine deıingi tabysy - 37,8 mlrd teńge, 2024-2025 jyldary - 16,7 mlrd teńge. Freedom Bank-tiń de aldyńǵy jylǵy kirisinen bıylǵysy 19,3 mlrd teńgege kem.

Qalǵan bes bank boıynsha málimet tómengi kestede:

Al, kerisinshe aldyńǵy jylǵy kórsetkishti jańartyp, tipti odan asyp túskenderi mynalar:

• Bereke Bank - 29 esege artqan, 13,2 mlrd teńgege deıin;
• "Zaman-Bank" Islam banki - 10,4 esege, 4,2 mlrd teńgege deıin;
• SKB - 1,9 ese, 78,5 mlrd teńgege deıin;
• "ADCB" Islam Banki — 1,7 ese, 1,1 mlrd teńgege deıin;
• Halyk Bank-1,5 ese, 247,1 mlrd teńgege deıin;
• ForteBank - 1,4 ese, 42,3 mlrd teńgege deıin;
• Bank RBK-1,4 ese, 17,6 mlrd teńgege deıin;
• Home CREDIT Bank - 1,4 ese, 9,5 mlrd teńgege deıin;
• "Bank VTB" AQ EU (Qazaqstan) - 1,4 ese, 12,7 mlrd teńgege deıin;
• Otbasy Banki - 1,2 ese, 36,5 mlrd teńgege deıin;
• Qytaı Banktiń Qazaqstandaǵy enshilesi - 1,2 ese, 6,4 mlrd teńgege deıin;
• Qytaıdyń Almatydaǵy Saýda-ónerkásip banki - 1,2 ese, 5,5 mlrd teńgege deıin;
• Kaspi Bank - 1,1 ese, 128,3 mlrd teńgege deıin.

Buǵan deıin saıtymyzda Qazaqstannyń úzdik 10 bankiniń beseýinde depozıtterdiń jabylýy, aqshany áketý faktisi tirkelgenin jazǵanbyz.