Oljas Bektenov ekonomikany demonopolizatsiialaý jónindegi komissiia otyrysyn ótkizdi, – dep habarlaidy Dalanews.kz.
Premer-ministrdiń orynbasary - ulttyq ekonomika ministri Serik Jumanǵarin memlekettiń ekonomikadaǵy úlesin tómendetý, orta biznestiń JIÓ-ge salymyn ulǵaitý boiynsha júrgizilip jatqan jumystardy baiandady. Memlekettiń ekonomikaǵa qatysýyn tek áleýmettik mańyzy bar jáne strategiialyq sektorlarmen shekteý josparlanyp otyr.
Básekelestikti qorǵaý jáne damytý agenttiginiń tóraǵasy Marat Omarov básekelestiktiń damýyn tejeitin kedergilerdi joiý boiynsha qabyldanyp jatqan sharalardy baiandady.
"Otyrys qorytyndysy boiynsha memlekettiń qatysýymen jekeshelendiriletin, biriktiriletin nemese taratylatyn 475 kásipkerlik sýbekt tizimi bekitildi. Jumys 2030 jylǵa deiin kezeń-kezeńimen iske asyrylady, bul rette kásiporyndardyń jartysynan kóbi 2025-2026 jyldarǵa arnalǵan is-sharalar josparyna engizilgen", - dep jazylǵan habarlamada.
Premer-ministr jarlyq belgilengen merzimde júzege asyrylýy kerek ekenin basa aitty.
