2024 jyly ulttyq kompaniia «QazMunaiGazdyń» direktorlar keńesi men basqarma múshelerine tólengen jalpy syiaqy somasy 705 million teńgeden asqan, dep habarlaidy Dalanews.kz.
Kompaniianyń resmi esebine sáikes, direktorlar keńesiniń músheleri ótken jyly 207,2 million teńge kóleminde tabys tapqan. Bul soma tolyǵymen teńgemen tólengen, dollarmen eshqandai tólem júrgizilmegen. Salystyra ketsek, 2023 jyly keńes músheleri 97,2 mln teńge jáne 196,3 myń AQSh dollary kóleminde syiaqy alǵan.
QazMunaiGazdyń direktorlar keńesine Ernat Berdiǵulov, Uzaqbai Qarabalin, Eljas Otynshiev («Samuryq-Qazyna» ókilderi), sondai-aq Ashat Hasenov, Asqar Shákirov, Saia Mynsharipova, Arman Arǵynǵazin, Armanbai Jubaev jáne Ulybritaniia azamaty Filip Malkolm Holland kiredi.
Al 2024 jyly basqarma múshelerine tólengen jalaqy men bonýs kólemi, salyq jáne zeinetaqy aýdarymdaryn qosa eseptegende, 497 million 815 myń teńgeni quraǵan. Basqarma tóraǵasy — Ashat Hasenov, basqarma quramynda jalpy segiz adam bar.
2023 jylmen salystyrǵanda basqarma músheleriniń jalpy tabysy 28%-ǵa artqan, al direktorlar keńesiniń syiaqysy 10,9%-ǵa kóbeigen (esepteý kezinde 2023 jylǵy ortasha dollar baǵamy – 456,31 teńge alynǵan). Jalpy eseppen alǵanda, árbir direktor aiyna orta eseppen 1,9 million teńge, al basqarma músheleri 5,1 million teńgeden astam tabys tapqan (bul — shamamen alynǵan, jýyq mánder).
Aita keteiik, naýryz aiynda «QazMunaiGaz» kompaniiasy 2024 jyly túsiminiń 10 milliard teńgege artqanyn, al taza paidasy 18,1%-ǵa ósip, 2,3 milliard AQSh dollaryna jetkenin habarlaǵan bolatyn.
