Jambyl oblysynda sheneýnikke para bermek bolǵan úsh turǵyn sottaldy, dep habarlaidy Dalanews.kz.
Jambyl oblysynyń qylmystyq ister jónindegi mamandandyrylǵan aýdanaralyq soty 3 sottalýshy – M., T. jáne Ý.-ǵa qatysty qylmystyq isti qarady.
Sottalýshylar M. jáne T. Asa iri mólsherde aldyn ala sóz bailasý arqyly adamdar tobynda laýazymdy tulǵaǵa para bergeni úshin (QK 367-babynyń 4-bóligi), al sottalýshy Ý. paraqorlyqqa deldal bolǵany úshin (QK 368-babynyń 1-bóligi) aiyptalǵan.
Sotta 2024 jylǵy naýryzda saǵat 01:30 shamasynda sottalýshylar M. jáne T. «Taraz qalasynyń qarjy bólimi» KMM basshysy – Ý.A.S.-qa (sybailas jemqorlyqqa qarsy qyzmettiń baqylaýymen) sot úkimi boiynsha joiylýǵa jatatyn 2 myń qorap (1 mln. qorap temekiniń balamasy) mólsherinde temeki ónimin alǵany úshin «Qarjy bólimi» KMM statist – azamat K. arqyly, deldal – sottalýshy Ý.-nyń (Jambyl oblysy boiynsha MKD bas mamany) qatysýymen, 90,2 mln. teńge mólsherinde para somasyn bergeni anyqtaldy.
Ý.A.S. jáne K. sottalýshylar jasaǵan is-áreketterdiń zańsyzdyǵyn túsinip, Jambyl oblysy boiynsha Sybailas jemqorlyqqa qarsy qyzmetke asa iri mólsherde para berý faktisi boiynsha aryzben júgindi.
Osylaisha, sottalýshylar M. jáne T.-nyń qylmysy olarǵa bailanysty emes mán-jailar boiynsha sońyna deiin jetkizilgen joq.
Taraptardyń pozitsiiasy:
Prokýror sottalýshylar M. jáne T.-ǵa – árqaisysyna 13 jyl, al sottalýshy Ý.-ǵa – 3 jyl merzimge bas bostandyǵynan aiyrý jazasyn taǵaiyndaýdy surady.
Sottalýshylar óz kinásin moiyndamady.
Dáleldemeler boiynsha:
Sottalýshylardyń kinási jasyryn tergeý áreketterimen, kýálerdiń aiǵaqtarymen, mamandar men sarapshylardyń qorytyndylarymen jáne basqa da zattai dáleldemelermen dáleldendi.
Sot sheshimi:
Sot sottalýshylar M. jáne T.-niń áreketterindegi aýyrlatatyn mán-jailar retinde qylmys jasaýdaǵy erekshe belsendi rólderin, al Ý.-dyń is-áreketinde – ol qabyldaǵan antyn buzýyn tanydy.
Sot úkimimen sot sottalýshylarǵa belgili bir laýazymdardy atqarý quqyǵynan ómir boiyna aiyra otyryp, M.-ǵa – 10 jyl, T.-ǵa – 9 jyl jáne Ý.-ǵa 3 jyl bas bostandyǵynan aiyrý jazasyn taǵaiyndady.
T.-ǵa jaza taǵaiyndaý barysynda onyń egde jasy men densaýlyq jaǵdaiy eskerildi.
Sondai-aq, sottalýshylar T. jáne Ý. sot zalynan kúzetke alyndy.
Úkim zańdy kúshine engen joq.
