Жамбыл облысының қылмыстық істер жөніндегі мамандандырылған ауданаралық соты 3 сотталушы – М., Т. және У.-ға қатысты қылмыстық істі қарады.

Сотталушылар М. және Т. Аса ірі мөлшерде алдын ала сөз байласу арқылы адамдар тобында лауазымды тұлғаға пара бергені үшін (ҚК 367-бабының 4-бөлігі), ал сотталушы У. парақорлыққа делдал болғаны үшін (ҚК 368-бабының 1-бөлігі) айыпталған.

 

Сотта 2024 жылғы наурызда сағат 01:30 шамасында сотталушылар М. және Т. «Тараз қаласының қаржы бөлімі» КММ басшысы – У.А.С.-қа (сыбайлас жемқорлыққа қарсы қызметтің бақылауымен) сот үкімі бойынша жойылуға жататын 2 мың қорап (1 млн. қорап темекінің баламасы) мөлшерінде темекі өнімін алғаны үшін «Қаржы бөлімі» КММ статист – азамат К. арқылы, делдал – сотталушы У.-ның (Жамбыл облысы бойынша МКД бас маманы) қатысуымен, 90,2 млн. теңге мөлшерінде пара сомасын бергені анықталды.

 

У.А.С. және К. сотталушылар жасаған іс-әрекеттердің заңсыздығын түсініп, Жамбыл облысы бойынша Сыбайлас жемқорлыққа қарсы қызметке аса ірі мөлшерде пара беру фактісі бойынша арызбен жүгінді.

 

Осылайша, сотталушылар М. және Т.-ның қылмысы оларға байланысты емес мән-жайлар бойынша соңына дейін жеткізілген жоқ.

 

Тараптардың позициясы:

 

Прокурор сотталушылар М. және Т.-ға – әрқайсысына 13 жыл, ал сотталушы У.-ға – 3 жыл мерзімге бас бостандығынан айыру жазасын тағайындауды сұрады.

 

Сотталушылар өз кінәсін мойындамады.

 

Дәлелдемелер бойынша:

 

Сотталушылардың кінәсі жасырын тергеу әрекеттерімен, куәлердің айғақтарымен, мамандар мен сарапшылардың қорытындыларымен және басқа да заттай дәлелдемелермен дәлелденді.