جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى 3 سوتتالۋشى – م.، ت. جانە ۋ.-عا قاتىستى قىلمىستىق ءىستى قارادى.

سوتتالۋشىلار م. جانە ت. اسا ءىرى مولشەردە الدىن الا ءسوز بايلاسۋ ارقىلى ادامدار توبىندا لاۋازىمدى تۇلعاعا پارا بەرگەنى ءۇشىن (قك 367-بابىنىڭ 4-بولىگى)، ال سوتتالۋشى ۋ. پاراقورلىققا دەلدال بولعانى ءۇشىن (قك 368-بابىنىڭ 1-بولىگى) ايىپتالعان.

 

سوتتا 2024 جىلعى ناۋرىزدا ساعات 01:30 شاماسىندا سوتتالۋشىلار م. جانە ت. «تاراز قالاسىنىڭ قارجى ءبولىمى» كمم باسشىسى – ۋ.ا.س.-قا (سىبايلاس جەمقورلىققا قارسى قىزمەتتىڭ باقىلاۋىمەن) سوت ۇكىمى بويىنشا جويىلۋعا جاتاتىن 2 مىڭ قوراپ (1 ملن. قوراپ تەمەكىنىڭ بالاماسى) مولشەرىندە تەمەكى ءونىمىن العانى ءۇشىن «قارجى ءبولىمى» كمم ستاتيست – ازامات ك. ارقىلى، دەلدال – سوتتالۋشى ۋ.-نىڭ (جامبىل وبلىسى بويىنشا مكد باس مامانى) قاتىسۋىمەن، 90،2 ملن. تەڭگە مولشەرىندە پارا سوماسىن بەرگەنى انىقتالدى.

 

ۋ.ا.س. جانە ك. سوتتالۋشىلار جاساعان ىس-ارەكەتتەردىڭ زاڭسىزدىعىن ءتۇسىنىپ، جامبىل وبلىسى بويىنشا سىبايلاس جەمقورلىققا قارسى قىزمەتكە اسا ءىرى مولشەردە پارا بەرۋ فاكتىسى بويىنشا ارىزبەن جۇگىندى.

 

وسىلايشا، سوتتالۋشىلار م. جانە ت.-نىڭ قىلمىسى ولارعا بايلانىستى ەمەس ءمان-جايلار بويىنشا سوڭىنا دەيىن جەتكىزىلگەن جوق.

 

تاراپتاردىڭ پوزيسياسى:

 

پروكۋرور سوتتالۋشىلار م. جانە ت.-عا – ءارقايسىسىنا 13 جىل، ال سوتتالۋشى ۋ.-عا – 3 جىل مەرزىمگە باس بوستاندىعىنان ايىرۋ جازاسىن تاعايىنداۋدى سۇرادى.

 

سوتتالۋشىلار ءوز كىناسىن مويىندامادى.

 

دالەلدەمەلەر بويىنشا:

 

سوتتالۋشىلاردىڭ كىناسى جاسىرىن تەرگەۋ ارەكەتتەرىمەن، كۋالەردىڭ ايعاقتارىمەن، ماماندار مەن ساراپشىلاردىڭ قورىتىندىلارىمەن جانە باسقا دا زاتتاي دالەلدەمەلەرمەن دالەلدەندى.