Búgin Abai oblysynyń ákimi Berik Ýáli Qytaidyń Chantszi memlekettik joǵary tehnologiialar indýstriialyq aimaǵynan kelgen delegatsiia múshelerimen kezdesti. Delegatsiia quramynda qurylys, taý-ken óndirisi, elektronika jáne kólik qurastyrý, kópir salý baǵytynda jumys isteitin kompaniia ókilderi boldy,- dep habarlaidy Dalanews.kz
Aimaq basshysy qytailyq tarapqa oblystyń áleýeti men múmkindikteri týraly aityp, óńirde kólik-logistika, mashina jasaý, qurylys, aýyl sharýashylyǵy salalarynda investitsiialyq jobalardy birlese júzege asyrýǵa bolatynyn atap ótti.
«Abai oblysy toǵyz joldyń torabynda turǵandyqtan kólik-logistikalyq áleýeti zor. Semei men Aiagóz qalalary aýmaǵyndaǵy temir jol boiynda logistikalyq habtar ashýǵa tolyq múmkindik bar. Oblys ortalyǵyna kópir kerek. Semei qalasynda mashina qurastyratyn zaýyt bar. Osy baǵytta da birlese jumys isteýge bolady. Jel, sý energiiasyn óndiretin stantsiialar salý máselesi de ózekti. Óńirde óndiristik aimaǵymyz bar. Biz áleýmettik nysandar men infraqurylymdyq jobalardy júzege asyrǵysy keletin investorlarmen jumys isteýge daiynbyz. Mamyr aiynyń ortasynda Qytaiǵa arnaiy delegatsiiamen baryp, kelissózder júrgizýdi josparlap otyrmyz» dedi oblys ákimi.
Qytailyq tarap óz kezeginde Abai oblysynda birlesken jobalardy júzege asyrýǵa qyzyǵýshylyq tanytyp, birikken kásiporyndar ashý, infraqurylymdyq jáne ónerkásiptik jobalarǵa investitsiia salý boiynsha naqty usynystar beretinin jetkizdi. Aita keteiik, shet eldik kompaniia ókilderi buǵan deiin Almaty, Astana jáne Shymkent qalalarynda birneshe jobany júzege asyrǵan.
