Shymkent qalalyq Politsiia departamentiniń habarlaýynsha, Rýslan Berdenovke qarýly shabýyl jasaý deregi boiynsha tergeý Qylmystyq kodekstiń eki baby boiynsha júrgizilýde, dep habarlaidy Dalanews.kz.
Atap aitqanda:
QK-niń 24-babynyń 3-bóligi — qylmysqa oqtalý – qasaqana qylmys jasaýǵa tikelei baǵyttalǵan áreketter (áreketsizdik), eger ol adamǵa bailanysty emes mán-jailar boiynsha aqyryna deiin aiaqtalmasa, qylmysqa oqtalý dep tanylady.
QK-niń 99-babynyń 2-bóligi, 6-tarmaǵy — 2. Osy baptyń birinshi bóliginde kózdelgen adam óltirý mynadai: 6) ózge adamdardyń ómirine qaýipti tásilmen jasalsa,on bes jyldan jiyrma jylǵa deiingi merzimge bas bostandyǵynan aiyrýǵa, nemese ómir boiyna bas bostandyǵynan aiyrýǵa jazalanady.
Politsiia bul baptar boiynsha 15 jyldan 20 jylǵa deiin bas bostandyǵynan aiyrý nemese múlkin tárkilei otyryp ne tárkilemei, ómir boiyna bas bostandyǵynan aiyrý jazasy qarastyrylatynyn atap ótti. Bul — sottyń sheshimine bailanysty bolady.
Eske salaiyq, Rýslan Berdenov 21 sáýirde úsh ret drobovikpen atylyp, aýyr jaraqat alǵan. Shabýyl jasaǵan kúdikti ustaldy. Shymkent ákiminiń orynbasary shuǵyl túrde ota jasatyp, qazirgi tańda aýyr jaraqattan keiin dárigerlerdiń baqylaýynda qalyp, emdelip jatyr.
