Taiaýda Almaty qalasynyń Qoǵamdyq keńesiniń jańa quramy jasaqtalǵan bolatyn. Almaty qalasy Máslihat jergilikti ókiletti organ retinde bul protsesti zańnamaǵa sáikes barynsha ashyq, jariia túrde jáne qoǵammen dialog formatynda uiymdastyrǵanyn Máslihattyń tóraǵasy Meiirjan Otynshiev málim etti, – dep habarlaidy Dalanews.kz.
Birneshe kezeńdik konkýrs pen ashyq transliatsiiamen ótken suhbattasýlar nátijesinde Keńes quramyna 42 adam endi, olardyń arasynda 39 – azamattyq qoǵam, kommertsiialyq emes sektor men sarapshylyq qaýymdastyq ókilderi, 3 – memlekettik organdardyń ókilderi bolǵan. Óz kezeginde Almaty qalasy Máslihatynyń tóraǵasy Meiirjan Otynshiev Qoǵamdyq keńestiń qalai jasaqtalyǵany aityp berdi.
– Almaty qalasy Qoǵamdyq keńesine múshe bolýy úshin qalamyzdyń belsendi azamattary tarapynan barlyǵy 165 ótinim kelip tústi. Budan qalamyzdaǵy azamattyq belsendiliktiń deńgeii qanshalyqty joǵary ekenin baiqaýǵa bolady. Qujattardy tekserý barysynda 7 úmitker konkýrsqa jiberilmedi, 5-i kelesi kezeńnen bas tartty. Qalǵandary jumys tobynyń múshelerimen jeke suhbattan ótkizdi. Jumys tobyna qoldanystaǵy Keńes músheleri, máslihat depýtattary jáne ÚEU ókilderi kirdi. Onyń quramy da ashyq daýys berý arqyly bekitilgen, – deidi Meiirjan Otynshiev.
Osylaisha biyl Almaty qalasy Qoǵamdyq keńesiniń quramy 70%-ǵa jańardy. Keńeske múshe bolǵan azamattar bilim berý, densaýlyq saqtaý, mádeniet, óndiris, áleýmettik osal toptardy qorǵaý jáne basqa da negizgi salalarda uzaq jyldan beri eńbek etip, mol tájiribe jinaǵan azamattar. Sonymen qatar Qoǵamdyq keńeske 35 jasqa deiingi jastar úlesi 21,4%-ǵa deiin ósse, keńes músheleriniń ortasha jasy – 46 jasty qurap otyr. Budan basqa Almaty qalasy Qoǵamdyq keńesine alǵash ret qandastar men Ulttyq quryltai músheleri de engenin atap aitýǵa bolady. ⠀
– Jańa quramnan – tájiribeni, jańa ideialar men azamattyq belsendiliktiń úilesimi baiqaýǵa bolady. Búginde Almaty qalasy Qoǵamdyq keńes bilikpen tiimdi dialog alańyna ainalyp, qalalyq ómirdiń ózekti máselelerin sheshýde mańyzdy ról atqaryp otyr, – deidi Almaty qalasy Máslihatynyń tóraǵasy.
Keńestiń jumysy ashyq, júieli ári esepti bolýy úshin Máslihat burynǵydai onyń qyzmetine jan-jaqty qoldaý kórsetip, turǵyndarmen dialogtyń ashyqtyǵyn qamtamasyz etedi.
