Almatyda moped júrgizýshilerine jappai aiyppul salynyp jatyr, – dep habarlaidy Dalanews.kz.
Sáýirdiń basynan beri Almatyda 2600-den asa moped júrgizýshisi jol erejesin buzǵan.
Mopedterdi paidalanýǵa qoiylatyn jańa talaptar kúshine engennen beri (biyl 5 sáýirden bastap) Almatyda moped júrgizýshileri jasaǵan 2600-den asa jol qozǵalysy erejesin buzý deregi tirkelgen. 800-den asa motokólik mamandandyrylǵan aiyppul turaǵyna qoiylǵan.
Jergilikti politsiia qyzmetiniń kúsheitilgen patrýldik politsiia jasaqtary qala kóshelerinde tirkeýsiz, saqtandyrýsyz jáne júrgizýshi kýáliginsiz moped júrgizý derekterin kún saiyn tirkep jatyr.
"Mopedterdi paidalanýǵa qoiylatyn jańa talaptar kúshine engen sátten bastap biz oń dinamikaǵa kýá boldyq: qujattaryn rásimdep, tirkep jatqan azamattar kóbeiip keledi. Degenmen zańdy elemeitinder áli de bar. Azamattardy motokólikterin der kezinde zańdastyrýǵa shaqyramyz. Bul tek zań talaby emes, sonymen qatar, jeke qaýipsizdik máselesi. Tirkeý jalǵasyp jatyr jáne árkim óz mopedin qoldanystaǵy erejelerge sáikes keltirýge múmkindigi bar", - dedi Almaty qalalyq PD jergilikti politsiia qyzmeti basqarmasynyń bastyǵy Serik Shýmaev.
