الماتىدا موپەد جۇرگىزۋشىلەرىنە جاپپاي ايىپپۇل سالىنىپ جاتىر، – دەپ حابارلايدى Dalanews.kz.
ءساۋىردىڭ باسىنان بەرى الماتىدا 2600-دەن اسا موپەد جۇرگىزۋشىسى جول ەرەجەسىن بۇزعان.
موپەدتەردى پايدالانۋعا قويىلاتىن جاڭا تالاپتار كۇشىنە ەنگەننەن بەرى (بيىل 5 ساۋىردەن باستاپ) الماتىدا موپەد جۇرگىزۋشىلەرى جاساعان 2600-دەن اسا جول قوزعالىسى ەرەجەسىن بۇزۋ دەرەگى تىركەلگەن. 800-دەن اسا موتوكولىك مامانداندىرىلعان ايىپپۇل تۇراعىنا قويىلعان.
جەرگىلىكتى پوليسيا قىزمەتىنىڭ كۇشەيتىلگەن پاترۋلدىك پوليسيا جاساقتارى قالا كوشەلەرىندە تىركەۋسىز، ساقتاندىرۋسىز جانە جۇرگىزۋشى كۋالىگىنسىز موپەد جۇرگىزۋ دەرەكتەرىن كۇن سايىن تىركەپ جاتىر.
"موپەدتەردى پايدالانۋعا قويىلاتىن جاڭا تالاپتار كۇشىنە ەنگەن ساتتەن باستاپ ءبىز وڭ ديناميكاعا كۋا بولدىق: قۇجاتتارىن راسىمدەپ، تىركەپ جاتقان ازاماتتار كوبەيىپ كەلەدى. دەگەنمەن زاڭدى ەلەمەيتىندەر ءالى دە بار. ازاماتتاردى موتوكولىكتەرىن دەر كەزىندە زاڭداستىرۋعا شاقىرامىز. بۇل تەك زاڭ تالابى ەمەس، سونىمەن قاتار، جەكە قاۋىپسىزدىك ماسەلەسى. تىركەۋ جالعاسىپ جاتىر جانە اركىم ءوز موپەدىن قولدانىستاعى ەرەجەلەرگە سايكەس كەلتىرۋگە مۇمكىندىگى بار"، - دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
