Birinshi nesielik biýro elimizdiń valiýta naryǵyndaǵy sáýir men mamyr ailary basyndaǵy ahýaldy taldap, kórinis tapqan jaittarǵa túsinikteme berdi, dep habarlaidy Dalanews.kz.
Mamyr aiynyń basynda 1 AQSh dollarynyń resmi baǵamy 512,34 teńgeni qurap, 1 sáýirdegi jaǵdaidan 7,9 teńgege nemese 1,6%-ǵa artty. 1 evro baǵamy sáýirdiń basynda 545,65 teńge bolsa, mamyrda 582,07 teńgege deiin ósip, bir aida birden qunyna 36,42 teńge nemese 6,7% ústemeledi.
"Onyń ústine, aidyń qorytyndysy boiynsha eýropalyq valiýtanyń nyǵaiý qarqyny 2022 jyldyń maýsym aiynan bergi eń aiqyn kórinisi boldy (onda da bul biz igergen 600 teńgeden qaita shegingenimiz). Amerikalyq jáne eýropalyq valiýtalardyń ártúrli dinamikasynyń qazir dollar qyn kezderi bastan keship jatqanyn baiqata alady: investorlar prezident Tramptyń erekshe ekonomikalyq qadamdarynan keiin eleń-alań kúide. Evro bolsa, kerisinshe, osyndai dúdamal jaǵdaida kúsheie túsýde, onda da qorǵanys aktivi sipatynda", dep jazady Data Hub Telegram arnasynda.
Al, bizdiń naryqtaǵy jaǵdailarǵa keletin bolsaq,biýro málimetinshe, teńgeniń negizgi valiýtalarǵa qatysty álsireýi Ulttyq Bank tarapynan jasalǵan taza satylymnyń azdap óskenine qaramastan tirkelip otyr: sáýirde - shamamen 1,1 mlrd dollar, al naýryzda bul kórsetkish shamamen 998 mln dollar boldy.
"Ekinshi jaǵynan, eger buǵan valiýtalyq kirisin satý mindettelgen kvazimemlekettik sektordyń kólemin qosa eseptesek (birshama tómendegen: 376 mln-nan 308 mln dollarǵa deiin), onda bul eki faktordyń jalpy áseri sáýir aiynda ótken aidyń deńgeiinen sál ǵana kóp boldy dep aitýǵa bolady", - deidi Data Hub sarapshylary.
Buǵan deiin saitymyzda "1 evronyń quny 600 teńgeden asty". Valiýta naryǵynda ne bolyp jatyr" degen material jariialanǵan. Sondai-aq saitymyzda "Teńge baǵamy nyǵaiyp jatyr. Nege?" degen maqala jariialanǵan bolatyn. "Dollar endi burynǵydai bolmaidy, evroǵa úirene berińizder - belgili ekonomist" degen maqalany da bizden oqi otyryńyzdar.
