Túrkistandaǵy Qoja Ahmet Iasaýi kesenesine kirý biletteriniń jańa baǵasy bekitildi. Ózgeristerge sáikes, Qazaqstan azamattary men sheteldik týrister úshin bilet quny ártúrli bolady, dep habarlaidy dalanews.kz.
Jańa tarif boiynsha alys shetelden kelgen týrister úshin bilet baǵasy 5 myń teńge bolyp belgilendi. Al TMD elderiniń azamattary kesenege 2 myń teńgege kire alady.
Qazaqstan azamattary úshin baǵa burynǵydan qoljetimdi deńgeide saqtalǵan. Eresekterge arnalǵan bilet quny – 1 myń teńge. Stýdentter men zeinetkerler úshin jeńildetilgen tarif 500 teńgeni quraidy. Mektep oqýshylary kesenege 300 teńgege kire alady.
Jańa baǵa saiasaty tarihi-mádeni nysandy kútip ustaý, saqtaý jáne týristerge kórsetiletin qyzmet sapasyn arttyrý maqsatynda engizilgeni atap ótildi.
Qoja Ahmet Iasaýi kesenesi – IýNESKO-nyń Búkilálemdik muralar tizimine engen Qazaqstandaǵy eń tanymal tarihi eskertkishterdiń biri. Jyl saiyn kesenege el ishinen jáne shetelden júzdegen myń týrist keledi.
