Saýalnama nátijesine sáikes, biyl mamyr aiynda jinaq jasap júrgen otbasylardyń úlesi 27,2%-ǵa jetken. Byltyrǵy mamyrda bul kórsetkish 21,9% bolǵan, dep habarlaidy dalanews.kz.
Azamattardyń basym bóligi óz qarajatyn depozitte saqtaýdy jón kóredi. Qazirgi tańda saýalnamaǵa qatysqandardyń 67,1%-y jinaqtaryn banktik depozitterde ustaitynyn aitqan. Bir jyl buryn bul kórsetkish 67,4% bolǵan.
Qolma-qol aqsha túrinde qarajat saqtaityndardyń úlesi 33,8%-dan 35,2%-ǵa deiin ósken. Al jyljymaityn múlikke investitsiia salýdy tańdaǵandardyń úlesi 19,2%-dan 21,3%-ǵa artqan.
Búginde jeke tulǵalardyń depozitterinde jalpy kólemi 28,4 trln teńge saqtaýly.
Qolma-qol aqsha ustaýdy jón kóretinderdiń ishinde qarajatyn teńgemen saqtaityndar basym. Olardyń úlesi bir jylda 81,6%-dan 87,6%-ǵa deiin ósken. Al dollarmen jinaq saqtaityndardyń úlesi 40,7%-dan 30,4%-ǵa tómendegen.
Sonymen qatar, eýromen aqsha saqtaityndardyń úlesi 3,8%-dan 5,9%-ǵa ósse, rýblmen jinaq ustaityndardyń úlesi 5,9%-dan 4,3%-ǵa azaiǵan.
