ساۋالناما نەتيجەسٸنە سەيكەس, بيىل مامىر ايىندا جيناق جاساپ جٷرگەن وتباسىلاردىڭ ٷلەسٸ 27,2%-عا جەتكەن. بىلتىرعى مامىردا بۇل كٶرسەتكٸش 21,9% بولعان, دەپ حابارلايدى dalanews.kz.
ازاماتتاردىڭ باسىم بٶلٸگٸ ٶز قاراجاتىن دەپوزيتتە ساقتاۋدى جٶن كٶرەدٸ. قازٸرگٸ تاڭدا ساۋالناماعا قاتىسقانداردىڭ 67,1%-ى جيناقتارىن بانكتٸك دەپوزيتتەردە ۇستايتىنىن ايتقان. بٸر جىل بۇرىن بۇل كٶرسەتكٸش 67,4% بولعان.
قولما-قول اقشا تٷرٸندە قاراجات ساقتايتىنداردىڭ ٷلەسٸ 33,8%-دان 35,2%-عا دەيٸن ٶسكەن. ال جىلجىمايتىن مٷلٸككە ينۆەستيتسييا سالۋدى تاڭداعانداردىڭ ٷلەسٸ 19,2%-دان 21,3%-عا ارتقان.
بٷگٸندە جەكە تۇلعالاردىڭ دەپوزيتتەرٸندە جالپى كٶلەمٸ 28,4 ترلن تەڭگە ساقتاۋلى.
قولما-قول اقشا ۇستاۋدى جٶن كٶرەتٸندەردٸڭ ٸشٸندە قاراجاتىن تەڭگەمەن ساقتايتىندار باسىم. ولاردىڭ ٷلەسٸ بٸر جىلدا 81,6%-دان 87,6%-عا دەيٸن ٶسكەن. ال دوللارمەن جيناق ساقتايتىنداردىڭ ٷلەسٸ 40,7%-دان 30,4%-عا تٶمەندەگەن.
سونىمەن قاتار, ەۋرومەن اقشا ساقتايتىنداردىڭ ٷلەسٸ 3,8%-دان 5,9%-عا ٶسسە, رۋبلمەن جيناق ۇستايتىنداردىڭ ٷلەسٸ 5,9%-دان 4,3%-عا ازايعان.
