Aqmola oblysy Aqkól aýdandyq soty aýdandyq bilim bóliminiń basshysyn ákimshilik jaýapkershilikke tartyp, aiyppul saldy. Ol memlekettik satyp alý sharttaryn jasaǵanda múddeler qaqtyǵysy týraly basshylyqty eskertpegen, dep habarlaidy Dalanews.kz.
Sotta anyqtalǵandai, sheneýnik birneshe kelisimshartqa qol qoiǵan. Biraq bul kelisimder óziniń kúieý balasy basqaratyn jeke kásipkerlikpen jasalǵany belgili boldy. Qoldanystaǵy zańnamaǵa sáikes, memlekettik qyzmetker mundai jaǵdaida mindetti túrde jazbasha túrde basshylyqty habardar etýi kerek bolǵan. Alaida ol bul talapty oryndamaǵan.
Zań boiynsha memlekettik qyzmetkerlerge jaqyn týystary men qaiyn jurt ókilderiniń múddesine jumys isteýge, iaǵni óz ókilettigin olar úshin paidalanýǵa tyiym salynǵan. Al qyzmetke ornalasý kezinde ol bul erejelerdi saqtaý jónindegi mindettemege qol qoiǵan.
Sot onyń bul áreketi alǵash ret oryn alǵanyn eskerip, 100 ailyq eseptik kórsetkish kóleminde aiyppul saldy. Ákimshilik kodekske sáikes aiyppuldy erikti túrde merziminen buryn tólegen jaǵdaida beriletin jeńildikpen onyń kólemi 275 240 teńgeni qurady. Úkim zańdy kúshine endi.
