– Apta saıyn turaqty túrde azamattardy qabyldap, aýdandar men eldi mekenderdi aralap, turǵyndarmen kezdesemiz. Osyǵan deıin aıtqanymdaı, qala turǵyndarynan kelip túsetin negizgi suraqtardyń biri – turǵyn úı máselesi. Memleket basshysy Qasym-Jomart Toqaevtyń tapsyrmasyna sáıkes búginde áleýmettik páterlerdi salý kólemi edáýir artty. Turǵyn úı baǵdarlamalaryna qatysýshylar sanaty keńeıtildi, jastarǵa arnalǵan arnaıy turǵyn úı baǵdarlamasy engizildi, turǵyn úı sertıfıkatynyń somasy ulǵaıdy, – dedi Altaı Kólginov.
Óz kezeginde elorda ákimi qalada joǵary bilim alý da júıeli máselelerdiń biri ekenin aıta kele, aldaǵy jańa oqý jylynda ákimdik pedagogıkalyq jáne medısınalyq mamandyqtar boıynsha joǵary bilim alýǵa jalpy sany 1300 grant bólýdi josparlap otyrǵanyn jetkizdi. Bolashaqta grant ıeleri oqýyn támamdaǵannan keıin qaladaǵy densaýlyq saqtaý mekemelerine birden jumysqa ornalasatyn bolady.
– Ózderińiz biletindeı, Memleket basshysy ustazdar men medısına qyzmetkerlerine jaǵdaı jasaýǵa jáne olarǵa qoldaý kórsetýge erekshe kóńil bólinýde. Dárigerlerdiń jalaqy mólsheri artyp, biliktilikti arttyrý baǵdarlamalary engizýdemiz. Osyndaı irgeli jumystardyń arasynda medısınalyq jáne bilim berý ortalyqtarynyń jelisi keńeıýde, – deıdi elorda ákimi.
