Qabyldaýǵa kelgen turǵyndardyń kótergen saýaldarynyń basym bóligi baspana máselesine qatysty boldy. Odan basqa jer telimin bólý, infraqurylym jáne emhana jumystaryna qatysty, múgedekterdiń quqyqtaryn qorǵaý, jumyspen qamtý máselesi de kóterildi.
Qabyldaýǵa kelgen kóp balaly ana Z.K. turǵyn úimen qamtýdy surady. Ol joldasy ekeýi 5 balamen úi jaldap turatyndyǵyn aitty.
Atyraý qalasynyń ákimi Meiirim Qalaýidiń aitýynsha, ol 2018 jyly úi kezegine tirkelgen. QR Turǵyn úi qatynastyray týraly zańynyń 74-babynyń 1-tarmaǵyna sáikes, turǵyn úi tizimde belgilengen kezek retimen beriledi. Qala ákimi eger qalasa «Baqytty otbasy» baǵdarlamasy negizinde de múmkindik bar ekenin jan-jaqty túsindirip berdi.
Al, Atyraý qalasynyń turǵyny, II-top múgedegi M.R. múmkindigi shekteýli jandardyń jumyspen qamtylý máselesin surady.
Bul saýalǵa Jumyspen qamtýdy úilestirý jáne áleýmettik baǵdarlamalar basqarmasynyń basshysy Azamat Mámbetov jaýap berdi. Ol 2022 jyldyń 1 naýryzdaǵy esebi boiynsha Jumyspen qamtý ortalyqtaryna 226 múmkindigi shekteýli jan habarlasyp, onyń ishinen 175 adamǵa áleýmettik kómek túrleri kórsetilgenin aitty.
Odan basqa, turaqty jumysqa 23 adam, aqyly qoǵamdyq jumystarǵa 144 adam, áleýmettik jumys oryndaryna 7 adam jáne jastar praktikasyna atalǵan sanattan 1 jas maman jiberilip, ýaqytsha jumyspen qamtylǵanyn jetkizdi.
Qabyldaý barysynda óńir basshysy Mahambet Dosmuhambetov azamattardyń aryz-shaǵymdaryna tiisti dárejede jaýap berip, máselelerdi zań sheńberinde sheshýdi tapsyrdy. Oblys ákimi bul jergilikti atqarýshy organdardyń aldyndaǵy mańyzdy mindet ekenin eskerte kele, tiisti sala basshylaryna osy máseleni qatań baqylýda ustaýdy mindettedi.
