«Báige – ulttyq at sporty» qoǵamdyq birlestigi federatsiiasynyń uiytqy bolýymen Ulystyń Uly kúninde Arqarly aýyldyq atshabarynda at tuiaǵyn dúbirletken keń kólemdi «Qunan báige – 2022» jarysy ótkizildi.
Tulparlar baq synasqan alaman báigege Sarqan jáne Aqsý aýdandarynyń shabandozdary da qatysty. Dúbirli doda tai, qunan jáne alaman báigelerinen bólek, kókpar men qoshqar kóterý saiystary da uiymdastyryldy.
Báigeniń saltanatty ashylý rásimine Alakól aýdanynyń ákimi Almas Abdinov, aýdandyq máslihat hatshysy Saiahat Jabjanov jáne «Báige – ulttyq at sporty» qoǵamdyq birlestigi federatsiiasynyń tóraǵasy Jasqairat Qamzanov qatysyp, atshabarlarǵa sáttilik tiledi.
Jarystyń jeńimpazdary men júldegerleri: «Tai» báige boiynsha 1-oryndy yntalylyq Birlik Jáisambaev jeńip alsa, 2-oryndy sarqandyq Shalqar Esirkenov jáne 3-oryndy yntaly aýylynan Qurmanbek Aqýbai enshiledi. «Qunan» báigede aqsýlyq Aian Nemerbaev 1-oryndy qanjyǵasyna bailasa, 2-oryndy sarqandyq Erkin Oshaqanov pen 3-oryndy Ǵalym Mákenov ielendi. «Alaman» báigesinde erekshe kózge túsken sarqandyq shabandozdar: Ǵalym Mákenov 1-oryndy, Jasulan Muqataev 3-oryndy, Erkin Oshanov 4-oryndy ielense, qyzylashylyq Shalqar Jaqsybaev 2-oryndy qanjyǵalady.
-Atbegilik atadan qalǵan kásip. Qazir jastarymyzdyń arasynda tai jaratyp, jylqy baptaýǵa den qoiǵandar qatary kóbeiip keledi. Jalpy, ulttyq sportty damytý jastar úshin mańyzdy is. Búgingi ótkizilip otyrǵan qunan báige de osynyń aiǵaǵy,-dedi aýdan ákimi.
Kókpar tartýda ońtaily ádispen 8 komandanyń ishinen «Jaipaq» komandasy aldyǵa shyqsa, 2-oryndy «Beskól» komandasy ielenip, «Dostyq» komandasy 3-orynǵa jaiǵasty. Al iyǵyna 110 ret shopan ata túligin arqalaǵan arqarlyq Tóleý Ásetuly jeńis tuǵyrynan kórindi.
Doda sońynda Arqarly aýyldyq okrýginiń ákimi Erlan Tókenov pen federatsiia tóraǵasy Jasqairat Qamzanov júldegerlerdi marapattap, aqshalai syilyqtaryn tabystady.
Kasiet Arstan,
Alakól aýdany ákiminiń baspasóz hatshysy
