TikTok jelisindegi tikelei efirde balaǵat sóz aitqan taldyqorǵandylyq áiel ákimshilik jaýapkershilikke tartyldy, dep habarlaidy dalanews.kz.
Jetisý oblystyq politsiia departamentiniń málimetinshe, áleýmettik jelige júrgizilgen monitoring barysynda ádepsiz sózder qoldanylǵan tikelei efir anyqtalǵan. Tekserý nátijesinde efirge shyqqan adamnyń 32 jastaǵy qala turǵyny ekeni belgili boldy.
Oqiǵaǵa qatysty jinalǵan materialdar sotqa joldandy. Sot áieldi usaq buzaqylyq jasaǵany úshin kináli dep tanyp, oǵan ákimshilik aiyppul saldy.
Politsiia áleýmettik jeliler kópshilikke qoljetimdi ashyq alań sanalatynyn eske saldy. Sondyqtan internettegi sóz bostandyǵy zań talaptaryn buzýǵa jáne qoǵamǵa jat áreketter jasaýǵa múmkindik bermeidi.
Quqyq qorǵaý organdary jeli qoldanýshylaryn qarym-qatynas mádenietin saqtap, ózgelerge qurmetpen qaraýǵa shaqyrdy. Sondai-aq jariialanǵan kontentti kámeletke tolmaǵandar da kóretinin esten shyǵarmaý qajettigin eskertti.
