«بەيگە – ۇلتتىق ات سپورتى» قوعامدىق بٸرلەستٸگٸ فەدەراتسيياسىنىڭ ۇيىتقى بولۋىمەن ۇلىستىڭ ۇلى كٷنٸندە ارقارلى اۋىلدىق اتشابارىندا ات تۇياعىن دٷبٸرلەتكەن كەڭ كٶلەمدٸ «قۇنان بەيگە – 2022» جارىسى ٶتكٸزٸلدٸ.
تۇلپارلار باق سىناسقان الامان بەيگەگە سارقان جەنە اقسۋ اۋداندارىنىڭ شاباندوزدارى دا قاتىستى. دٷبٸرلٸ دودا تاي, قۇنان جەنە الامان بەيگەلەرٸنەن بٶلەك, كٶكپار مەن قوشقار كٶتەرۋ سايىستارى دا ۇيىمداستىرىلدى.
بەيگەنٸڭ سالتاناتتى اشىلۋ رەسٸمٸنە الاكٶل اۋدانىنىڭ ەكٸمٸ الماس ابدينوۆ, اۋداندىق مەسليحات حاتشىسى ساياحات جابجانوۆ جەنە «بەيگە – ۇلتتىق ات سپورتى» قوعامدىق بٸرلەستٸگٸ فەدەراتسيياسىنىڭ تٶراعاسى جاسقايرات قامزانوۆ قاتىسىپ, اتشابارلارعا سەتتٸلٸك تٸلەدٸ.
جارىستىڭ جەڭٸمپازدارى مەن جٷلدەگەرلەرٸ: «تاي» بەيگە بويىنشا 1-ورىندى ىنتالىلىق بٸرلٸك جەيسامباەۆ جەڭٸپ السا, 2-ورىندى سارقاندىق شالقار ەسٸركەنوۆ جەنە 3-ورىندى ىنتالى اۋىلىنان قۇرمانبەك اقۋباي ەنشٸلەدٸ. «قۇنان» بەيگەدە اقسۋلىق ايان نەمەرباەۆ 1-ورىندى قانجىعاسىنا بايلاسا, 2-ورىندى سارقاندىق ەركٸن وشاقانوۆ پەن 3-ورىندى عالىم مەكەنوۆ يەلەندٸ. «الامان» بەيگەسٸندە ەرەكشە كٶزگە تٷسكەن سارقاندىق شاباندوزدار: عالىم مەكەنوۆ 1-ورىندى, جاسۇلان مۇقاتاەۆ 3-ورىندى, ەركٸن وشانوۆ 4-ورىندى يەلەنسە, قىزىلاششىلىق شالقار جاقسىباەۆ 2-ورىندى قانجىعالادى.
-اتبەگٸلٸك اتادان قالعان كەسٸپ. قازٸر جاستارىمىزدىڭ اراسىندا تاي جاراتىپ, جىلقى باپتاۋعا دەن قويعاندار قاتارى كٶبەيٸپ كەلەدٸ. جالپى, ۇلتتىق سپورتتى دامىتۋ جاستار ٷشٸن ماڭىزدى ٸس. بٷگٸنگٸ ٶتكٸزٸلٸپ وتىرعان قۇنان بەيگە دە وسىنىڭ ايعاعى,-دەدٸ اۋدان ەكٸمٸ.
كٶكپار تارتۋدا وڭتايلى ەدٸسپەن 8 كوماندانىڭ ٸشٸنەن «جايپاق» كومانداسى الدىعا شىقسا, 2-ورىندى «بەسكٶل» كومانداسى يەلەنٸپ, «دوستىق» كومانداسى 3-ورىنعا جايعاستى. ال يىعىنا 110 رەت شوپان اتا تٷلٸگٸن ارقالاعان ارقارلىق تٶلەۋ ەسەتۇلى جەڭٸس تۇعىرىنان كٶرٸندٸ.
دودا سوڭىندا ارقارلى اۋىلدىق وكرۋگٸنٸڭ ەكٸمٸ ەرلان تٶكەنوۆ پەن فەدەراتسييا تٶراعاسى جاسقايرات قامزانوۆ جٷلدەگەرلەردٸ ماراپاتتاپ, اقشالاي سىيلىقتارىن تابىستادى.
كاسيەت ارستان,
الاكٶل اۋدانى ەكٸمٸنٸڭ باسپاسٶز حاتشىسى
