Keshe Qazaq memlekettik qyzdar pedagogikalyq ýniversitetinde Almaty qalasy joǵary oqý oryndary stýdentteri arasyndaǵy QR Táýelsizdiginiń 25 jyldyq mereitoiy men Alash kósemi Álihan Bókeihanovtyń 150 jyldyǵyna arnalǵan «Alash arystary: qoǵamdyq saiasi qyzmeti men táýelsizdik murattary» atty intellektýaldy olimpiada bolyp ótti.
Stýdentter sanasyna óz eline degen maqtanysh pen patriottyq sezimdi qalyptastyrý jáne Álihan Bókeihanuly men Alash qozǵalysyn aishyqtai otyryp, Táýelsizdigimizdiń 25 jyldyq tarihynyń mańyzdylyǵyn túsindirý, Á.Bókeihanulynyń tulǵasyn tolyq bilý arqyly ultjandy azamat bolýǵa tárbieleý maqsatynda ótken olimpiadaǵa Qazaq memlekettik qyzdar pedagogikalyq ýniversitetiniń «Bolashaq» toby, ál-Farabi atyndaǵy Qazaq ulttyq ýniversitetiniń «Alash Orda» toby, S.J. Asfendiiarov atyndaǵy QazUMÝ-dyń «Uly dala» toby, Turan ýniversitetiniń «Turan» toby, sonymen qatar, Almaty tehnologiialyq ýniversitetiniń «Aibyndy Alash urpaǵy» toby men Almaty ýniversitetiniń «Jeruiyq» toby qatysty.
Dástúrge ainalǵan sharany Qyzdar ýniversitetiniń Birinshi prorektory Bahodir Áliev saltanatty túrde ashyp, qatysýshylarǵa sáttilik tiledi.
Stýdentter intellektýaldy olimpiadada bes baǵyt boiynsha («Tanystyrý», «Uiashyqtar qupiiasy», «Beine suraq», «Altyn qaqpa», «Oi tolǵaý») bilimderin sarapqa saldy. Birinshi saiysta ózderin tanystyryp ótken komandalar, ekinshi kezeńde «Memlekettik basqarý», «Qazirgi álemdegi Qazaqstan», «Alash qozǵalysy», «Kemeńger tulǵalardyń ómiri men qyzmeti» degen taqyryptarǵa arnalǵan suraqtar boiynsha baq synasty. «Beine suraq» bóliminde elimizge belgili tarihshy mamandardyń Alash qairatkerleriniń qoǵamdyq-saiasi qyzmeti, Alash partiiasy men Alash Orda úkimetiniń qurylý tarihy, el rámizderi men qazaq tarihyna bailanysty beinesaýaldarǵa jaýap berdi. «Altyn qaqpa» saiysynda Prezident, Úkimet, avtonomiia, demokratiia, quqyq, ult, mádeniet sózderdiń mán-maǵynasyn qazaq jáne aǵylshyn tilderinde túsindirip synǵa tússe, «Oi tolǵaý» saiysynda jáshikte jasyrynǵan zattardy tapty. Barlyq ainalym suraqtarynyń deni Alash qairatkerleriniń qoǵamdyq-saiasi qyzmeti men Táýelsizdigimizdiń 25 jyldyq tarihynyń negizgi kezeńderine arnaldy. Jastar oiyn barysynda bilimderiniń joǵary deńgeide ekendigin kórsetip qana qoimai, el tarihyn, túrli ónerdi boiyna jiǵan Alash kóseminiń ómiri men daryn iesiniń san qyrly qyzmetin jaqsy biletindikterin tanytty.
Qatysýshylardyń bilimderi men biliktilikterine Sh.Ýálihanov atyndaǵy Tarih jáne etnologiia institýtynyń direktor orynbasary, tarih ǵylymdarynyń doktory Svetlana Smaǵulova, Abai atyndaǵy Qazaq Ulttyq pedagogikalyq ýniversitetiniń professory, tarih ǵylymdarynyń doktory Ádilhan Qudaibergenov, Sh. Ýálihanov atyndaǵy Tarih jáne etnologiia institýtynyń PhD doktoranty Rysbek Omarbaevtar qazylyq jasady.
Olimpiadanyń qorytyndysy boiynsha I-oryndy Turan ýniversitetiniń «Turan» toby ielendi. II-oryndy ál-Farabi atyndaǵy Qazaq Ulttyq ýniversitetiniń «Alash Orda» toby ie boldy. III-oryn ekeý – S.J. Asfendiiarov atyndaǵy QazUMÝ-dyń «Uly dala» toby men Qazaq memlekettik qyzdar pedagogikalyq ýniversitetiniń «Bolashaq» tobyna buiyrdy. Jeńimpazdardyń barlyǵy diplomdarmen jáne arnaiy syilyqtarmen marapattaldy. Al, toptardy daiyndaǵan jetekshilerge alǵys hattar tabys etildi.
– Tuǵyry biik elimizdiń erteńi búgingisinen de jarqyn bolýy – rýhy asqaq, óresi biik, bilimdi de talantty urpaq qolynda. Al, búgingidei Jahandaný zamanynda ózindik bolmysymyzben tól tarihymyzdan ajyramasaq qana iri tabystarǵa jete alatynymyz sózsiz. Sondyqtan da, jas urpaqtyń sanasynda óz eline degen maqtanysh pen patriottyq sezimdi qalyptastyrýdy árdaiym bizdiń ujym nazarda ustap keledi. Dástúrli túrde ótkizilip kele jatqan bul is-shara da osy maqsatqa jumyldyrylǵan, – dedi sharanyń uiymdastyrýshysy, Qazaqstan tarihy kafedrasynyń meńgerýshisi Ainagúl Qaiypbaeva.
«Qyzdar ýniversiteti» media ortalyǵy
