Qazaqstandyqtardyń jasyryn tabysyn Qarjy mınıstrligi anyqtaıdy, dep habarlaıdy Dalanews.kz.
Mınıstrlik «Salyq salý obektilerin jáne (nemese) salyq salýǵa baılanysty obektilerdi janama ádispen anyqtaý qaǵıdalaryn bekitý týraly» buıryq jobasyn ázirledi.
Qujat salyq júıesiniń ashyqtyǵy men ádildigin arttyrýǵa baǵyttalǵan. Jobaǵa sáıkes, memlekettik kirister organdary bul tetikti salyq tóleýshi esep júrgizý tártibin buzǵan jaǵdaıda, sondaı-aq eseptik qujattardy joǵaltqan nemese joıǵan kezde qoldana alady.
Janama ádistiń máni mynada: bastapqy qujattar bolmaǵan nemese burmalanǵan jaǵdaıda salyq organdary balama derekkózderdi paıdalanady.
Atap aıtqanda, salyq tóleýshiniń aktıvteri men múlki, mindettemeleri, aınalymdary, kiristeri, shyǵyndary men jumsaǵan qarajattary týraly aqparat negizge alynady.
