Qazaqstanda jyl basynan beri bala saýdasyna qatysty 19 qylmystyq is tirkeldi, dep habarlaidy Dalanews.kz.
Barlyq derek jańa týǵan sábilerdi zańsyz asyrap alýǵa bailanysty. Bul týraly Adam saýdasyna qarsy kúres basqarmasy bastyǵynyń orynbasary Shynar Kósherbaeva málimdedi. Onyń aitýynsha, náreste satý derekteri Qazaqstannyń barlyq derlik óńirinde anyqtalǵan.
Shema bylaisha júzege asady: bir jaǵynda bala súie almai júrgen otbasylar, ekinshi jaǵynda jańa týǵan sábiinen bas tartýǵa daiyn áielder. Osy eki tarapty materialdyq paida úshin deldaldar tabystyrady.
"Balalardy shetelge shyǵarý derekteri tirkelgen joq. Barlyq zańsyz mámile el ishinde jasalady. Jaýapkershilikke tek balany satqan analar ǵana emes, satyp alǵandar da tartylady", – dedi ol.
IIM ókiliniń sózinshe, sábiinen bas tartatyndardyń arasynda qalaǵa kelip, aýyr materialdyq jaǵdaida qalǵan jas qyzdar jii kezdesedi. Keibir otbasylar da nárestesin asyrai almaityndyqtan osyndai qadamǵa barady.
Quqyq qorǵaýshylardyń dereginshe, jańa týǵan sábilerdi zańsyz satý baǵasy 500 myńnan 1,5 million teńgege deiin jetedi.
