قازاقستاندا جىل باسىنان بەرٸ بالا ساۋداسىنا قاتىستى 19 قىلمىستىق ٸس تٸركەلدٸ, دەپ حابارلايدى Dalanews.kz.
بارلىق دەرەك جاڭا تۋعان سەبيلەردٸ زاڭسىز اسىراپ الۋعا بايلانىستى. بۇل تۋرالى ادام ساۋداسىنا قارسى كٷرەس باسقارماسى باستىعىنىڭ ورىنباسارى شىنار كٶشەرباەۆا مەلٸمدەدٸ. ونىڭ ايتۋىنشا, نەرەستە ساتۋ دەرەكتەرٸ قازاقستاننىڭ بارلىق دەرلٸك ٶڭٸرٸندە انىقتالعان.
سحەما بىلايشا جٷزەگە اسادى: بٸر جاعىندا بالا سٷيە الماي جٷرگەن وتباسىلار, ەكٸنشٸ جاعىندا جاڭا تۋعان سەبيٸنەن باس تارتۋعا دايىن ەيەلدەر. وسى ەكٸ تاراپتى ماتەريالدىق پايدا ٷشٸن دەلدالدار تابىستىرادى.
"بالالاردى شەتەلگە شىعارۋ دەرەكتەرٸ تٸركەلگەن جوق. بارلىق زاڭسىز مەمٸلە ەل ٸشٸندە جاسالادى. جاۋاپكەرشٸلٸككە تەك بالانى ساتقان انالار عانا ەمەس, ساتىپ العاندار دا تارتىلادى", – دەدٸ ول.
ٸٸم ٶكٸلٸنٸڭ سٶزٸنشە, سەبيٸنەن باس تارتاتىنداردىڭ اراسىندا قالاعا كەلٸپ, اۋىر ماتەريالدىق جاعدايدا قالعان جاس قىزدار جيٸ كەزدەسەدٸ. كەيبٸر وتباسىلار دا نەرەستەسٸن اسىراي المايتىندىقتان وسىنداي قادامعا بارادى.
قۇقىق قورعاۋشىلاردىڭ دەرەگٸنشە, جاڭا تۋعان سەبيلەردٸ زاڭسىز ساتۋ باعاسى 500 مىڭنان 1,5 ميلليون تەڭگەگە دەيٸن جەتەدٸ.
