Túrkistan oblysynda politseiler zańsyz kóshi-qon arnasyn áshkereledi, - dep habarlaidy Dalanews.kz.
11 qyrkúiekte Túrkistan oblysynyń shekara mańyndaǵy aýdandarynda kriminaldyq politsiia qyzmetkerleri júrgizgen jedel tergeý is-sharalarynyń nátijesinde zańsyz kóshi-qon arnasyn uiymdastyrǵan qylmystyq toptyń áreketi áshkerelendi. Toptyń tórt negizgi uiymdastyrýshysy men olardyń qatysýshylary ustalyp, ýaqytsha ustaý izoliatoryna qamaldy.
Tergeý barysynda olardyń kórshi elderden kelgen azamattarǵa memlekettik shekarany zańsyz kesip ótýge kómekteskeni anyqtalǵan. Ózderiniń "qyzmeti" úshin kúdiktiler árbir migranttan 500 myń teńgege deiin aqsha alyp otyrǵan.
"Tintý kezinde sheteldik pasporttar, jalǵan qujattar, elektron tasymaldaýshylar jáne bailanys quraldary tárkilendi. Bul derek boiynsha Qylmystyq kodekstiń eki baby boiynsha, iaǵni "Zańsyz kóshi-qondy uiymdastyrý" jáne "Memlekettik shekarany qasaqana zańsyz kesip ótý" boiynsha sotaldy tergep-tekserý bastaldy", - dedi IIM ókilderi.
Ishki ister ministrligi kóshi-qon zańnamasyn buzýdyń kez kelgen deregi jazasyz qalmaitynyn eskertti.
