Iaǵni, Abaidyń shaǵyn otany men Semei qalasyna keletin týristerdiń deni kóp bolmaq. Osy rette Semei qalasy men Abai aýdanynda Abai Qunanbaiulynyń mereitoiyn joǵary deńgeide atap ótý maqsatynda aýqymdy daiyndyq jumystary qolǵa alyndy.
Oblys ákimi Danial Ahmetovtiń tikelei tapsyrmasymen Semei qalasyndaǵy Abai teatryna, Abaidyń «Jidebai-Bórili» tarihi-mádenie jáne ádebi-memorialdyq qoryq-murajaiyna, Abai Qunanbaev atyndaǵy alańǵa, Abai kitaphanasy ǵimarattarynda jóndeý jumystary bastaldy.
– Uly danamyz Abai Qunanbaiulynyń mereitoiy – elimizdiń basty toiy. Sondyqtan sheteldik týrister men meimandardy asa joǵary daiyndyqpen qarsy alýymyz kerek, - dedi aimaq basshysy Danial Ahmetov.
Biyl Abai aýdanynda iri tarihi jáne mádeni nysandar boi kóteretin bolady. Bul – Syrt Qasqabulaq aýylyndaǵy memorialdyq keshenniń qurylysy, Aqshoqy aýylyndaǵy Qunanbai Óskenbaiuly murajaiynyń qurylysy men qorymnyń jóndeý jumystary, «Abai-Shákárim» kesheni aýmaǵynda ǵylymi-restavratsiialyq jumystar júrgizý.
Shyǵysqazaqstandyq abaitanýshylardyń usynysymen, talqylaýymen Syrt Qasqabulaq aýylyndaǵy memorialdyq keshenniń qurylysy bastaldy. Syrt Qasqabulaq – qazaq halqy úshin qasietti oryn. Abai shyǵarmashylyǵymen tanys árbir qazaqstandyq bul kieli orynǵa kelip, dana rýhyna taǵzym etedi.
Bul jer endi ulttyq stilde naqyshtalyp, Abaidyń qara sózderi jazylǵan tas baǵanalary kieli bulaqqa aparatyn jol boiyna ornalasady. Jas urpaq úshin máni joǵary qurylys tarihi kezeńnen sóz shertip, aqynnyń shyǵarmashylyǵyn nasihattaityn bolady.
Oblys ákimi aityp ótkendei, barlyq jóndeý jáne qurylys jumystary biregei rýhani qundylyqtardy saqtai otyryp zamanaýi úlgide júrgiziletin bolady. Jańadan ashylatyn nysandar aýdan jastary men turǵyndary úshin bos ýaqyttaryn ótkizetin demalys ornyna ainalady.
– Barlyq qolǵa alynǵan jumystar aǵymdaǵy jyldyń shilde aiyna deiin tolyqtai aiaqtalý kerek. Arnaiy jumys toby tikelei baqylaý jumystaryn júrgizip, ýaqtyly tapsyrylýyn qadaǵalaidy, - deidi óz sózinde Danial Ahmetov.
