Atap aıtqanda 3 mektep, 2 mádenıet úıi kúrdeli jóndeýden ótedi. 27 mekteptiń ishine dárethana salynýda, 6 aýyldyń joly jóndelip, 2 aýyldyń aýyz sý júıesine aǵymdaǵy jóndeý júrgizilmek.
Aýdanǵa qarasty 7 aýylǵa kóshedegi jaryq shamdar ornatylyp, Kegen aýylynda abattandyrý jumystary júrgiziletin bolady.
Atalǵan 52 jobany júzege asyrý barysynda 751 jańa jumys orny qurylyp, onyń ishinde 375 adam «Jumyspen qamtý» ortalyǵy arqyly aýdan turǵyndary arasynan jumysqa tartylady.
Kegen aýdany ákiminiń orynbasary B.Eleýsizova Kegen aýylyna aryq júıesiniń aǵymdaǵy jóndeý jumystarynyń júrgizilýin baqylap, merdigerlerge júmystyń sapaly júrgizilýin jáne aýyl turǵyndaryn jumyspen qamtýyn qatań eskertti.
Sondaı-aq 2019 jyly bastalǵan Kegen aýylynyń aýyz sýyna qosymsha sý kózderin tartý jumystarynyń barysyn qadaǵalap, «Kegen sý qubyry» mekemesiniń basshysymen, merdigerlermen jumystyń júrgizilý barysyn talqylady.
