Aqmola oblysynda Petropavl – Kókshetaý tasjolynda úsh jeńil kólik pen eki KamAZ soqtyǵysyp, úsh adam qaza tapty. Taǵy eki adam aýrýhanaǵa jetkizildi, dep habarlaidy dalanews.kz.
Oblystyq politsiia departamentiniń málimetinshe, jol apaty 15 qazanda saǵat 08:00 shamasynda Kremenchýg aýyly mańynda bolǵan.
Soqtyǵys saldarynan Audi kóliginiń úsh jolaýshysy alǵan jaraqattarynan oqiǵa ornynda kóz jumdy. Kólik júrgizýshisi men taǵy bir jolaýshy meditsinalyq mekemege jetkizilip, olarǵa qajetti kómek kórsetilip jatyr. Qalǵan kólikterdiń júrgizýshileri zardap shekken joq.
Atalǵan fakti boiynsha eki nemese odan da kóp adamnyń abaisyzda qaza bolýyna ákep soqqan jol qozǵalysy erejelerin buzý deregimen sotqa deiingi tergep-tekserý bastaldy. Qazir oqiǵanyń sebepteri men mán-jaiyn jan-jaqty anyqtaý úshin tergeý amaldary júrgizilip, saraptamalar taǵaiyndalǵan.
Politsiia júrgizýshilerdi jyldamdyq rejimin saqtaýǵa jáne kólikter arasyndaǵy qaýipsiz qashyqtyqty ustaýǵa shaqyrdy. Tuman, kóktaiǵaq jáne kóriný múmkindigi nasharlaǵan kezde jyldamdyqty tómendetip, jolda barynsha muqiiat bolý qajet.
