Qazaqstannyń eki óńirinde aýa raıynyń qolaısyzdyǵyna baılanysty kólik qozǵalysyna shekteý qoıyldy, dep habarlaıdy Dalanews.kz «QazAvtoJoldyń» baspasóz qyzmetine silteme jasap.
«2025 jylǵy 4 qarasha saǵat 20:30-dan bastap respýblıkalyq mańyzy bar myna avtojoldarda aýa raıynyń nasharlaýyna baılanysty barlyq kólik túrleri úshin qozǵalysqa shekteý engizildi:
Pavlodar oblysy – «QHR shekarasy – Maıqapshaǵaı – Qalbataý – Semeı – Pavlodar – RF shekarasy» avtojolynyń 427–587 shaqyrym aralyǵy (Kenjekól aýyly – Abaı oblysynyń shekarasy);
Abaı oblysy – osy avtojoldyń 587–733 shaqyrym aralyǵy (Pavlodar oblysynyń shekarasy – Semeı qalasy)», – delingen seısenbi kúngi habarlamada.
Qosymsha aqparat alý úshin táýlik boıy 1403 call-ortalyǵyna habarlasýǵa bolady.
