Қазақстанның екі өңірінде ауа райының қолайсыздығына байланысты көлік қозғалысына шектеу қойылды, деп хабарлайды Dalanews.kz «ҚазАвтоЖолдың» баспасөз қызметіне сілтеме жасап.
«2025 жылғы 4 қараша сағат 20:30-дан бастап республикалық маңызы бар мына автожолдарда ауа райының нашарлауына байланысты барлық көлік түрлері үшін қозғалысқа шектеу енгізілді:
Павлодар облысы – «ҚХР шекарасы – Майқапшағай – Қалбатау – Семей – Павлодар – РФ шекарасы» автожолының 427–587 шақырым аралығы (Кенжекөл ауылы – Абай облысының шекарасы);
Абай облысы – осы автожолдың 587–733 шақырым аралығы (Павлодар облысының шекарасы – Семей қаласы)», – делінген сейсенбі күнгі хабарламада.
Қосымша ақпарат алу үшін тәулік бойы 1403 call-орталығына хабарласуға болады.
