Astana qalasy politsiia departamentiniń jergilikti politsiia qyzmeti basqarmasynyń bastyǵy Erjan Ádilbekov óńirlik kommýnikatsiialar qyzmetinde ótken brifingte elordada ótkizilip jatqan «Ýchaske» jedel-aldyn alý is-sharasy týraly aitty, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Qyzmet kórsetiletin ákimshilik ýchaskelerde quqyq buzýshylyqtardyń aldyn alý úshin osy jyldyń 16 qyrkúieginen 15 jeltoqsanyna deiin elorda aýmaǵynda «Ýchaske» jedel-aldyn alý is-sharasy ótkiziledi.
Jedel-aldyn alý is-sharasy sheńberinde páterler men aýlalardy aralaý júrgiziledi, turǵyndar ózderiniń aýmaqtyq ýchaskelik inspektorlarymen tanysyp, oǵan ózderin tolǵandyrǵan máselelerimen júgine alady.
– Jaldamaly páterlerde turatyn adamdar bólek tekseriledi. Jańadan anyqtalǵan jalǵa beriletin turǵyn úi týraly aqparat salyq zańnamasynyń saqtalýyn tekserý úshin Memlekettik kirister organdaryna jiberiledi. Jedel-aldyn alý is-sharasy bastalǵannan beri 380 myńnan astam páter men 28 myń jeke menshik úi ieleri tekserýden ótti, – dedi Erjan Ádilbekov.
Sonymen qatar zańdylyqtyń basqa da buzýshylyqtary anyqtalýda. Barlyǵy 24 myńnan astam ákimshilik quqyq buzýshylyq anyqtaldy.
– Jedel-aldyn alý is-sharasy barysynda ishki ister organdarynyń profilaktikalyq esepterinde turǵan adamdar qosymsha tekseriledi. Sot belgilegen tyiymdar men shekteýlerdi buzýdyń 64 faktisi anyqtaldy, 19 esepke alynýshy ákimshilik jaýapkershilikke tartyldy, – dep tolyqtyrdy Ádilbekov.
Aita ketý kerek, zańdylyqtyń kez kelgen buzylýyna «nóldik tózimdilik» qaǵidaty aiasynda júzege asyrylatyn vandalizmniń jolyn kesý jumystary jandandyryldy.
– Jyl basynan beri 147-1-bap boiynsha bótenniń múlkin qasaqana joiǵany nemese búldirgeni úshin 338 adam ákimshilik jaýapkershilikke tartyldy, sonyń ishinde 125 adam qamaýǵa alyndy, 177 adamǵa aiyppul salyndy. Usaq buzaqylyq jasaý faktileri boiynsha 2 071 adam jaýapqa tartylyp, onyń 628-i qamaýǵa alyndy, 1220 adamǵa aiyppul salyndy, – dedi spiker.
Budan bólek, qalalyq infraqurylym men jalpy úi múlkiniń zaqymdaný faktilerin anyqtaý boiynsha mamandandyrylǵan jergilikti reidtik pysyqtaýlardy turaqty júrgizý uiymdastyryldy. Jyl basynan beri barlyǵy 1000-nan astam osyndai is-sharalar ótkizildi.
Vandalizmniń aldyn alý jumystary qalalyq prokýratýra men politsiia departamentiniń úilestirýimen júrgiziledi.
