Áleýmettik jelilerde Almatyda «jappai tazartý júrip jatyr» degen aqparat tarady, dep habarlaidy Dala News.
Alaida politsiia bul málimetti joqqa shyǵaryp, qalada tek josparly profilaktikalyq reidter júrgizilip jatqanyn málimdedi.
Quqyq qorǵaý organdarynyń túsindirýinshe, mundai tekserýler belgili bir jaǵdailarǵa bailanysty júieli túrde ótkizilip turady jáne tek Almatyǵa ǵana tán emes. Osyndai reidter Astana men ózge de óńirlerde júrgiziledi.
Politsiia ókilderi qoǵamda taraǵan qaýesetterge bailanysty naqty ustanym bildirdi.
«Qandai da bir “tazartý” týraly áńgime joq. Bul – josparly jumys. Eshqandai “ań aýlaý” bolmaidy. Biraq jol erejesin óreskel buzǵandarǵa qatysty qatań sharalar qabyldanady», – dedi olar.
Sonymen qatar jýyrda bolǵan aýyr jol-kólik oqiǵasyna qatysty da suraqtar kóterildi. Ásirese, jol apatyna sebep bolǵan júrgizýshiniń politsiiada tanystary bar degen aqparat qoǵamda qyzý talqylanýda.
Bul máselege qatysty Ishki ister ministrligi arnaiy komissiia qurǵan. Qazir atalǵan derek jan-jaqty tekserilip jatyr. Belgili bolǵandai, is boiynsha qylmystyq is qozǵalyp, birqatar jaýapty tulǵalar qyzmetinen bosatylǵan. Tergeý nátijeleri keiin jariia etiledi.
Politsiia ókilderi jol qozǵalysy erejeleriniń mańyzyn taǵy da eske saldy. Olardyń aitýynsha, bul erejeler jai ǵana talap emes, adam ómirin qorǵaýǵa baǵyttalǵan normalar. Sondyqtan qyzyl shamǵa ótý, qarsy jolaqqa shyǵý sekildi óreskel buzýshylyqtarǵa eshqandai keshirim bolmaidy.
Jol qaýipsizdigi máselesi qaita kóterildi
Osy oqiǵalar aiasynda elde jol qaýipsizdigin kúsheitý máselesi taǵy da kún tártibine shyqty. Senator Marat Qojaev birqatar naqty usynystaryn jariialady.
Onyń aitýynsha, Qazaqstanda jol apattarynyń shamamen 90%-y júrgizýshilerdiń kinásinen bolady. Sondyqtan baqylaýdy kúsheitý qajet.
Senator qalalarda ortasha jyldamdyqty ólsheitin kameralar ornatýdy usyndy. Bul júie júrgizýshiniń belgili bir aralyqtaǵy ortasha jyldamdyǵyn eseptep, turaqty túrde baqylaýǵa múmkindik beredi.
Sonymen qatar Qojaev óreskel jáne júieli túrde jol erejesin buzatyndarǵa qatysty jazany qatańdatý qajet ekenin aitty. Atap aitqanda, aiyppuldy 50% jeńildikpen tóleý múmkindigin alyp tastaý usynylǵan edi.
«Bir jyl ishinde 10 retten artyq quqyqbuzýshylyq jasaityn júrgizýshiler bar. Osyndai adamdar 11, 12 nemese 13-ret buzsa, aiyppuldy tolyq tóleýi tiis», – dedi senator.
Budan bólek, ol júrgizýshi kýáligin ýaqytsha shekteý, qaita emtihan tapsyrý mindeti, uzaq merzimge quqyqtan aiyrý jáne ákimshilik qamaý siiaqty sharalardy da qarastyrýdy usyndy.
Sarapshylardyń pikirinshe, mundai ózgerister joldaǵy tártipti kúsheitip, adam ólimine ákeletin apattardyń sanyn azaitýǵa baǵyttalǵan.
